Вы находитесь здесь: Главная > Воспитателям национальных групп > Экскурсия в осенний лес
Post Icon

Экскурсия в осенний лес

Автор: Минниахметова Галина Николаевна, воспитатель высшей квалификационной категории, МБДОУ ЦРР – Игринский детский сад №8, поселок Игра, Удмуртская Республика

Экскурсиен сӥзьыл сике

Мугез: Бадӟым группаысь нылпиослы нюлэс сярысь огъя но рос-прос тодон-валанъёс кылдытоно.

Пуктэм ужпумъёс:

Пиналъёсты дышетоно сӥзьыллэсь тодметъёссэ вераны, инкуазьлэсь воштӥськемзэ.

Пиналъёслэсь паськытатоно сӥзьыл инкуазьлэсь тодметъёссэ валамзэс, тодматоно пӧйшуръёслэн но тылобурдоослэн улонэнызы, азинтоно пиналъёслэсь вераськонзэс, йырвизьзэс, визьсазьзэс, визьлобанзэс. Пиналъёслэсь ӟеч мылкыдзэс бугыртоно. Инкуазез яратон, тылобурдоос но пӧйшуръёс сярысь сюлмаськон мылкыд пыӵатоно.

Приоритетной областез: познавательное развитие

В интеграции: речевое развитие, социально-коммуникативное развитие.

Азьвыл нуэм уж: Нюлэс будосъёсын но пӧйшуръёсын тодматон. «Кыӵе луэ нюлэс (куаро яке лысо)» темая суредъёсты эскерон, сӥзьыл писпуосты суредан, дидактика шудонъёс шудон.

Кылъёсын ужан: Кауро писпуос (лиственные), лысо писпуос (хвойные), куар усён (листопад), куарусен (сентябрь), коньывуон (октябрь), шуркынмон(ноябрь)

Уже кутэм арбериос: Суредъёс тылобурдоос, пӧйшуръёс, губиос, ӵушъял, шунды тусъетэн, зонтик.

Ужманерлэн мынэмез.

Воспитатель. (В.) Гуртамы чебер дыр вуиз,

Вань садъёсыз чебертӥз.

Музъем вылэ куар усӥз

Горд но ӵуж музъем луиз.

- Пиналъёс, кин вералоз, арлэн кыӵе дырыз вуиз? (Сӥзьыл!)

В. Бен, сӥзьыл!

- Пиналъё, кызьы тодӥды, сӥзьыл вуиз шуыса?

Пиналъёс: Зоре, кезьыт, тӧл пельтэ, пиналъёс шуныт дискутсэз дӥсязы, тылобурдоос лымшор пала кошкыны дасясько, куаръёс чебересь луизы, куд ог писпуос гольык сыло.

В. Туннэ асьмеос вуимы экскурсие сӥзьыл нюлэске. Учке, ай, котырак! Кӧня татын писпуос но турын куаръёс будо. Кыӵе писпуос будо? (Бадяр, пипу, кыз, беризь, кызьпу, пужым, палэзьпу, шупу, тыпы.)

- Кызьы шуо писпуосты, кудъёсызлэн вань куаръёссы? Тодӥськоды-а? (Ум.)

- Соосты шуо - Кауро писпуос. Ойдолэ чош вераломы. (Пиналъёс верало.)

- Пӧртэм писпуослэн – пӧртэм куаръёссы. Соос ог огзылы уг кельшо. Кыӵе буёлэн куаръёс? (Чуж, горд, вож.)

В. Кыӵе писпуос сыло горд куаръёсын? (Пипуос.)

- Куаръёс усьыло ини музъем вылэ, кызьы нимаське та вакыт?(Куар усён.)

- Пиналъёс, кынэ синъёстэс, но кылзӥське. (Пиналъёс кылзӥсько.) Вералэ, ма кылӥды? (Куръёс куаштырто.)

- Ойдолэ ветлом куаръёс вылтӥ. (Пиналъёс куаръёс вылтӥ ветло.)

- Тӥ тодӥськод-а сӥзьыл толэзьёсты? Вералэ, ай. (Куарусен, коньывуон, шуркынмон.)

- Нош али кыӵе толэзь? (Коньывуон толэзь.)

- Кызьы шуо та вакытэз? (Зарни сӥзьыл)

В. Малы-о? (Куаръёс писпуос вылын чужэсь, зарни кадь)

- Тодӥськоды-а тӥ сӥзьыл сярысь кылбуръёс? (Бен.) (2-3 пиналъёс верало кылбуръёс)

- Пиналъёс, сӥзьыл вань писпуос уг вошто асьсэлэсь куаръёссэ. Кыӵе писпуос сыло вожэсь? Кылзэ мадӥськонъёсты, ма сярысь соос?

«Гужем но тол одиг дӥсен»

«Ултозяз дӥсез уг вужмы, ултозяз дӥсез уг пӧсьты, ултозяз дӥсьсэ уг но кыльылы».

Пиналъёс: Пужым, кыз, ньылпу сярысь.

В. Кызьы сыче писпуосты одӥг кылын верало? Тодӥськоды-а? (Ум.)

- Соосты шуо - лысо писпуос

Физкультминутка.

- Ойдолэ шудом шудонэн «Шунды но зор» (Солнышко и дождик)

Воспитатель кияз кутэ шунды суред но вера:

Шунды, шунды возьматскы!

Шунды пишты, пиналъёс шумпотэ! (Пиналъёс бызьыло, бергало,экто.) Шунды пилемъёс сьӧры ватскиз, зорыны кутскиз. (Воспитатель зонтикез выллань карэ, пиналъёс ватско зонтик улэ.) Шудо кык пол.

В. Ӟечокъёс, нюлэскын уг яра зол куашетыны. Татын уло трос тылобурдоос. Кытын соос уло? (Писпуос вылын).

- Нош кыӵе тылобурдосты тодӥськоды? (Ӟольгыри, дыдык, куака, шушы, пислег, коӵо, сизь, уйсы.)

- Нош ма соос сиё? (Нымыкибыосты, палэзь, шу.)

- Кин улэ на нюлэскын? (Пӧйшуръёс.)

- Кыӵе пӧйшуръёсты тодӥськоды? (Лудкеч, кион, гондыр, койык, коньы, чушъял, ӟычы, кыр парсь.)

В. Ойдолэ шудом «Одиг-трос» шудонэн.

Гондыр – гондыръёс

Кион – кионъёс

Лудкеч – лудкечъёс

Коньы – коньыос

Зычы – зычыос

Койык – койыкъёс

Чушъял – чушъялъёс

Кыр парсь – кыр парсьёс

- Ӟечокъёс. Куд ог пӧйшуръёс выдо кӧлыны тулысозь. Кыӵе пойшуръёс кӧло? (Гондыр, чушъял.)

- Маин кӧтсэс тыро пӧйшуръёс толалтэ? (Соос ассэлы дасяло мульыос, губиос.)

- Ӟечокъёс. Мон тӥледлы али мадӥськон верало, нош тӥ тодэ ма сярысь мон мадӥ.

Сюйез пасяса потӥз,

Выжызэ кельтӥз,

Ачиз выллань будӥз,

Ызьыен пытсаськиз. (Губи.)

В. Нюлэскын трос губиос. Соос пӧлын вань сӥоно губиос но кудзэ уг яра сӥыны. Кыӵе губи будэ пипу улын? (Пипугуби.)

- Нош кызьпу улын? (Кызьпугуби.)

- Кыӵе губиос будо лӥял вылын? (Лӥялгубиос.)

- Кыӵе губиосты тодӥськоды на? (Тӧдьыгуби, вӧйёгуби, коньыгуби,)

- Нош кыӵе губиосты уг яра сӥыны? (Куткулонгуби, поганка.)

- Ӟечокъёс. Пиналъёс, вералэ, ай, кызьы нюлэскын пиналъёслы асьсэзэс нуоно?

Пиналъёс: Уг яра тылскыны, губиосты чыжаса ветлыны, тияны писпуослэсь вайъёссэ, зол кесяськыны, жугжагтӥськыны.

- Тани вуиз пумыз асьмелэн экскурсимылэн. Дырыз вуиз нылпи садамы бертыны. Тӥледлы яраз - а нюлэскын? Кытын асьмеос вал?(Нюлэскын.) Кӥнэ пумитамы?(Пӧйшуръёсты, тылобурдоосты.).

Поделиться:

Оставить комментарий