Вы находитесь здесь: Главная > Воспитателям национальных групп > Тылобурдоос толалтэ
Post Icon

Тылобурдоос толалтэ

Автор: Минниахметова Галина Николаевна, воспитатель высшей квалификационной категории, МБДОУ ЦРР – Игринский детский сад №8, поселок Игра, Удмуртская Республика

Бадӟым группаысь нылпиослы дышетон ужманеръя конспект

Мугез: Нылпиослэсь тылобурдоос сярысь пыр-поч тодон валанъёссэс юнматоно.

Пуктэм ужпумъёс:

Пиналъёслэсь тылобурдоос но инкуазьлэн пӧртэм вакытъёсыз сярысь тодон-валанъёссэс кылдытоно, выль кылъёсты уже быгатыса кутыны дышетоно; пиналъёслэсь чеберлыкез валамзэс но саклыксэз азинтоно; тылобурдоосты яратон но утён мылкыд пыӵатоно.

Валтӥсь удыс: тодон-валан сётон.

Дышетонудысъёс: кылэз волятон, ог-огеныд кусып тупатон, тодон-валан стон, чеберлыколитератураез лыдӟон.

Азьвыл нуэм уж: тылобурдоосты эскерон - чаклан, ваӵе вераськон - кенешон, дидактика шудонъёс, тылобурдоос сярысь вакчи веросъёс но кылбуръёс лыдӟон.

Кылъёсын ужан: лымы-пыры, тылобурдоос, мынам, вылын, улын, сьӧрын.

Уже кутэм арбериос: мультимедийной экран яке доска, проектор, ноутбук, CD-проигрыватель; А. Вивальди «Арлэн вакытъёсыз. «Тол» аудиозаписез, лымы люкъёс пушкын тылобурдоос, одӥгаз подносын дасямын тылобурдоос, но соослэн одӥг кыӵе ке люкетсы уг тырмы, мукетаз – сое йылтыны дасям мугор люкетъёс, котькуд пиналлы волшебниклэн колпакъёсыз.

Ужманерлэн мынэмез.

Воспитатель. (В.) Арлэн кыӵе дырыз вуиз? (Тол.)

В. Шонер, вуиз тол. Кылзэ ай чебер крезгурез. (А. Вивальдилэн "Тол" крезьгурэз чузъяське.)

В. Кылӥськоды-а, вуизы кезьыт нуналъёс, инбамысь чебересь, небытэсь, капчиесь тӧдьы лымы пырыос усьыло. Тӧл соосты бергатэ. Ойдолэ асьмеос но лымы пырыос луомы. (Пиналъёс крезьгурез кылзо но лымы пырыос кадь бергало.)

- Пиналъёс, тӥ кин-о луоды? (Лымы пырыос.)

- Соня, тынад кыӵе лымы пырыед? (Чебер.)

- Маша, тынад кыӵе лымы пырыед? (Небыт.)

- Влад, тынад кыӵе лымы пырыед? (Капчи.)

В. Тӥляд лымы пырыосты капчиесь, чебересь, небытэсь. Нош табере кӧня ке бергалэ, собере нош нылпиос кариське. Пиналъёс, учке-ай, асьмеос толалтэ сике вуимы. Ойдолэ лиялъёс вылэ пуксёмы но учкомы, кин та сикын улэ. (Экран вылын тылобурдоосын суредъёс. Воспитатель слайдын шушыез возьматэ.)

В. Кыӵе чебер тылобурдо! Кызьы солэн нимыз? (Шушы.)

- Шушылэн мӧляез кыӵе? (Горд.)

- Учке-ай, асьме доры мукет тылобурдо вуиз. (Слайдысь пислегез адӟиськом.)

- Кызьы тазэ нималом? (Пислег.)

- Пислеглэн мӧляез кыӵе? (Ӵуж.)

(Слайдын куака потэ.)

В. Нош таиз кин? (Куака.)

- Кызьы куаразэ поттэ куака?( Кар-кар-рр.)

- Кыӵе со? (Бадӟым, сьӧд, лек.)

- Возьматэ, кызьы куака лекъяське. (Пиналъёс возьмато, кызьы куака лекъяськыса ветлэ.)

В. Педлон туж кезьыт, куакалэн сиськемез потэ, сои ник со лек.

Малпалэ-ай, куакалэн вераськемез луысал ке, ма со тӥледлы верасал? (Кар-кар, туж кезьыт, вае мыным нянь пыры шуысал.)

- Бен, туж кезьыт, куака кынтэмынмын. Соин ик асьмеос бӧрысь вань тылобурдоосты сюдом.

(Слайдын потэ ӟольгыри.)

- Нош таиз кин? (Ӟольгыри.)

- Кыӵе со? (Пичи, пурысь.)

- Кыӟьы куаразэ поттэ ӟольгыри? (Чик-чирик!)

- Малы со пештыртскыса пуке? (Солы кезьыт, сиськемез потэ.)

(Аудиозаписьысь пельскем крезьгур кылӥське.)

В. Бен ӟольгырилы кезьыт. Кылӥськоды-а, кызьы педлон пельске? Кызьы со вузэ? (У-у-у)

- Ойдолэ асьмеос но ӟольгыриос кариськом.

(Радъяське «Ӟольгыри» шудон)

Ӟольгырилэн йырыз кынме!

Ой, кыӵе кынме!

Ой, кыӵе кынме! (Киосынызы йырзэс куто, бур пала но паллян пала бергато)!

Ӟольгырилэн тыбырыз кынме!

Ой, кыӵе кынме!

Ой, кыӵе кынме! (Киоссэз тыбыр вылазы поно и бур пала но паллян пала бекыръясько)!

Ӟольгырилэн бурдъёсыз кынмо!

Ой, кыӵе кынмо!

Ой, кыӵе кынмо! (Киосынызы бур но паллян киоссэс маялляло)!

Ӟольгырилэн пыдъёсыз кынмо!

Ой, кыӵе кынмо!

Ой, кыӵе кынмо! (Киосынызы бур но паллян пыдзэс маялляло)!

В. Ойдолэ нош пиналъёс кариськомы. Табере тӥ тодӥды, кызьы тылобурдоослы толалтэ кезьыт. Соосты шунтоно. Учке-ай кыз улын маке но вань. (Лымы люкъёс.)

- Басьтэ быдэн одӥг, усьтэ но учке, ма отын вань? (Пиналъёс усьто, но верало: мынам пислег, мынам шушы, мынам куака, мынам ӟольгыри…)

- Ойдолэ шунтом тылобурдоосмес. (Пиналъёс ымысьтызы шуныт омырен шунто.)

В. Пиналъёс, ойдолэ тылобурдоосмес вайёс вылэ пуктомы. Соос асьмелэсь вераськеммес мед кылзозы. (Пиналъёс пукто тылобурдооссэс вайёс вылэ.)

Экранын «Тылобурдолэн мугор люкетъёсыз» схема возьматӥське: йыр, мугор, бурдъёс, быж, тылобурдо пыдъёс, гон.)

- Кинлэн та мугор люкетъёсыз? (Тылобурдоослэн.)

- Шонер верады, та мугор люкетъёс - тылобурдоослэн. Ойдолэ шудом «Ма адямилэн, ма тылобурдолэн?» шудонэн.

В. Адямилэн йыр, нош тылобурдолэн? (Йыр.)

- Адямилэн киос, нош тылобурдолэн? (Бурдъёс.)

- Адямилэн пыдъёс, нош тылобурдолэн? (Пыдъёс.)

- Адямилэн йырси, нош тылобурдолэн? (Гон.)

- Тылобурдолэн быж, нош адямилэн? (Быжыз ӧвӧл.)

В. Пиналъёс, ойдолэ асьмеос огдырлы волшебникъёс луомы. Дӥсялэ йырады колпакъёсты. синдэс кыне,берытске но таӵе кылъёс вералэ «Одӥг, кык, куинь, волшебник лу!»

(Пиналъёс синзэс кынё но кылъёсты верало)

- Табере асьмеос волшебникъёс луимы. Асьмелы йӧспӧртэм тылобурдо лэсьтыны кулэ. Поднос вылын соос вань, соослэн одӥг люкетсы уг тырмы, тӥ шедьтоды соосты мукет поднос вылысь.

( Пиналъёс лэсьто тылобурдоос.)

В. Лэсьтэм тылобурдоостэс кормушкае пуктэ. Асьмелэн сикамы тӥляд еспӧртэм тылобурдоосты мед улозы. Нош али синдэс кыне, интыяды котыртске новыльысь пиналъёс луэ.

(Нылпиос кыне но верало «Одӥг, кык, куинь, пиналъёс ми луомы!»)

- Учке-ай, тылобурдоосмы кормушкаын ӧвӧл ни. Кытчы пыризы? ( Покчиос аспӧртэмлыко тылобурдоосты лэсьтыку, визьнодась мукетъёссэ утялтэ.)

Пиналъёс: Лобӟыса кошкиллям.

(Экранын суред потэ. О тылобурдоос пӧртэм интыосын пуко.)

В. Кытын пуке шушы? (Вай вылын.)

- Нош куака кытын пуке? (Кыз сьӧрын.)

- Пислег кытын? (Кормушка вылын.)

- Нош ӟольгыри? (Кыз улын.)

- Ӟечокъёс, вань тылобурдоосты шедьтӥды. Ойдолэ соосты сюдом. Маин? (Нянь пырыен, кӧйын, симаен.)

В. Табере нош ик луомы лымы пырыос. (Пиналъёс крезьгур чузъяськемъя, лымы пырыос кадь бергало).

- Тани нош ик асьмеос нылпи садамы вуимы. Кельшиз-а тӥледлы сикын? (Кельшиз.)

- Мукет дыръя но ульчае потӥды ке, тылобурдоосты сюдыны эн вунэтэ. Тани шундыберган. Тӥ, покчиосы,ваньды но сюлмаськисесь, тылобурдоосты яратӥсесь. Тау тӥледлы.

Поделиться:

Оставить комментарий